Madamu Jeannette Kagame Yatanze Ubutumwa bukomeye ku Munsi w'Abagore

Chief Editor

Mar 8, 2026 - 11:53

Madamu Jeannette Kagame Yatanze Ubutumwa bukomeye ku Munsi w'Abagore

Madamu Jeannette Kagame yifurije abagore Umunsi mwiza wabahariwe wizihizwa tariki 08 Werurwe buri mwaka, abasaba kongera kwigenzura mu marangamutima, imico, imyitwarire, ndetse no kwibungabunga, byose bigamije kwiyubaka! Ati " Kuri uyu munsi twizihiza abagore, ndabasaba kongera kwigenzura mu marangamutima, imico, imyitwarire, mumenye kwibungabunga, byose bigamije kwiyubaka!

Uyu munsi wongere kubibutsa ko uko mukunda abandi mukabitaho, mukabamenya, namwe ari byo bibakwiriye. Uko mwita ku buzima bw'abandi namwe mwite ku bwanyu cyane cyane ubuzima bwo mu mutwe.” #GlobalUpdates.rw #WomensDay

Menya inkomoko y’umunsi w’abagore wizihizwa buri tariki ya 8 Werurwe

Buri wa 8 Werurwe, isi yose yizihiza umunsi mpuzamahanga wahariwe abagore. Ese uyu munsi ukomoka he? Watangiye ryari? Ugamije iki? Ese ubundi washyizweho nande? Ibi ni bimwe mu byo tugiye kubasobanurira muri iyi nkuru y’amateka y’uyu munsi.

Kuva mu mwaka w’i 1805 mu gihugu cya Leta Zunze Ubumwe za Amerika ndetse no mu gihugu cy’u Budage bizihizaga umunsi mukuru w’abagore bitaga National Women’s Day. Icyo gihe bawizihizaga ku rwego rw’igihugu gusa bitaraba mpuzamahanga.

Bitewe n’amateka y’ibi bihugu byombi iyo bizihizaga uyu munsi abagore baho bajyaga mu muhanda bitwaje ibyapa basaba ko bahabwa uburenganzira bungana n’ubuhabwa abagabo kuko muri icyo gihe abagore bafatwaga nk’abagomba kwicara mu rugo bakarera abana nta kindi babasha gukora.

Mu mwaka wa 1910 ubwo hari hateranye inama yitwa International Women’s Conference iteguwe n’ umuryango witwa Socialist Party Of America yahuzaga abagore baturutse imihanda yose no mu bihugu binyuranye bose baje kwiga ku iterambere ry’abagore ni bwo Clara Zetkin yafashe iya mbere asaba ko habaho umunsi ngarukamwaka w’abagore.

Igitekerezo cya madamu Clara Zetkin cyaje kwakirwa neza maze gihera mu gihugu cy’u Burusiya ku itari 08/03/1917 batangira kwizihiza umunsi wahariwe abagore. Ibi byatangiye gukwirakwizwa mu bindi bihugu bitandukanye byo mu burayi.

Muwi 1977 inama y’umuryango w’abibumbye izwi nka United Nations (UN) nibwo yemeje ku mugaragaro ko itariki 08/03 ari umunsi wahariwe abagore ndetse ko ugomba gufatwa nk’umunsi udasanzwe kandi ko ugomba kuba mpuzamahanga.

Inzira y’uyu munsi n’ubwo itari yoroshye dore ko ibihugu bimwe na bimwe bitabonaga kimwe uyu munsi by’umwihariko ibihugu byubakiye ku mahame ya Islam gusa buhoro buhoro uyu munsi wagiye utera imbere ndetse unateza imbere igitsinagore.

Umunsi ngaruka mwaka wizihiza abari n’abategarugori ugenda ufite intego buri mwaka.

Ibyatangiye ari igitekerezo cy’itsinda ry’abagore bashaka uburenganzira bwabo baturuka muri Amerika n’u Budage bari bayobowe na madamu Clara Zetkin byagezweho ndetse binaba mpuzamahanga umugore ahabwa ijambo.

Kugeza ubu abari n’abategarugori bageze kuri byinshi bikomeye babikesha kuba barahawe uburenganzira bungana n’ubw’abagabo.